Сүрүн ыстаансыйа гааһынан хааччыйыы үлэтин биллэ тупсарыа

Ааптар: 
Бөлөххө киир:

«Гааһы тарҕатар сүрүн ыстаансыйа үлэҕэ киириитэ, столицаны гааһынан хааччыйыыны биллэ күүһүрдэр», — диэн этэр Айсен Николаев.

Дьокуускайга гааһы тарҕатар сүрүн саҥа ыстаансыйа үлэҕэ киирдэ. Онон киин куораты сэргэ таһынааҕы бөһүөлэктэри хааччыйыыта биллэ күүһүрүө. Саҥа ыстаансыйа үлэҕэ киириитигэр бүгүн Ил Дархан Айсен Николаев уонна «Сахатранснефтегаз» АУо генеральнай дириэктэрэ Алексей Колодезников кытыннылар. Саҥа тутуу 1967 сыллааҕы эргэ ГРС-1 солбуйар.
«Өрөспүүбүлүкэ киинигэр олус наадалаах ыстаансыйа. Кыамтата чааска 300 тыһ.куб. Кыаҕа улахан, куораты уонна Дьокуускай таһын эрэллээхтик, бигэтик хааччыйыа. Маныаха саҥа тэриллэр, аныгы технология тохтоло суох үлэлииргэ бигэ тирэҕинэн буолаллар. Маны таһынан, ыстаансыйа  «Сахатранснефтегаз» хампаанньа саҥа кыахтары арыйарыгар көмөлөһөр. Убатыллыбыт айылҕа гааһын  оҥорон таһаарыыга, гаас уматык ырыынагын сайыннарыыга, о.д.а.«, — диэн бэлиэтиир Айсен Николаев.
Саҥа ГРС — бу Саха сирин олохтоохторугар табыгастаах буолары тэрийии, тыһыынчанан ыалы хааччыйыы, олорор дьиэни тутуу тэтимин үрдэтии, эбии үлэ миэстэтин тэрийии.
«Сахатранснефтегаз» АУо кэлэктиибэ гааһы тарҕатар сүрүн ыстаансыйаны тутууга улахан үлэни ыытта. Куттал суох буолара хааччылынна диэн Алексей Колодезников этэр.
Ыстаансыйаны тутуу «Сахатранснефтегаз» АУо тутар-монтажтыыр управлениетын күүһүнэн 2018 сыллаахха саҕаламмыта. Манна уотунан хааччыллыытын ситимэ эрэллээх, гааһы хонтуруоллуур тэриллээх, баһаарынай сигнализациялаах, видеонан кэтээн көрөр камералаах.
 Андрей Сорокин (СИА) хаартыскаҕа түһэриилэрэ
+1
0
+1
0
+1
0
+1
0
+1
0
+1
0
+1
0