Маны аах Үөрэх уонна наука

Сүрүн түһүмэх иннинээҕи эксээмэни тохтотуохтарын сөп

Кэлэр 2022 сыллааҕы биир кэлим эксээмэн (ЕГЭ) болдьоҕун коронавирус дьаҥын балаһыанньатыттан көрөн уларытан биэриэхтэрин сөп. Ити туһунан Үөрэҕи уонна науканы кэтээн көрөр федеральнай сулууспа салайааччыта Анзор Музаев төрөппүттэри кытта көрсөн, эксээмэн туһунан ыйытыыларга хоруйдууругар иһитиннэрдэ.

edersaas.ru

“Күһүн эпидемиологическай балаһыанньа тупсуо дии  санаабыппыт эрээри, оннук буолбата. Өскөтүн саас балаһыанньа эмиэ бу курдук буоллаҕына, сүрүн түһүмэх иннинээҕи (досрочный период) эксээмэннэр барыта сүрүн түһүмэххэ (основной период) көһөрүллүөхтэрин сөп”, — диэн салайааччы эттэ.

Санатан эттэххэ, бырайыак быһыытынан биир кэлим эксээмэн сүрүн түһүмэҕин иннинээҕи эксээмэнэ (досрочный) 2022 сыл кулун тутар 21 күнүттэн муус устар 15 күнүгэр диэри ыытыллыа диэн былааннаабыттара. Онтон сүрүн түһүмэх (основной) ыам ыйын 27 күнүттэн от ыйын 2 күнүгэр диэри буолуохтаах. Быйыл сүрүн түһүмэх иннинээҕи (досрочнай) эксээмэни дьаҥынан сибээстээн тэрийбэтэхтэрэ.

“Саха сирэ” хаһыат, edersaas.ru

1
1