Сүрүн Успуорт

Сүүрүүк Наталья Леонтьева норуоттар икки ардыларынааҕы күрэхтэһиилэргэ кыттар быраабы ылла

Аан дойдутааҕы чэпчэки атлетика ассоциациятын допины утары үлэлиир кэмитиэтэ Арассыыйа 20 атлетыгар 2021 сылга норуоттар икки ардыларынааҕы күрэхтэһиилэргэ кыттарга быраабы биэрдэ.

Бу спортсменнар истэригэр биир дойдулаахпыт уһуну сүүрүүгэ норуоттар икки ардыларынааҕы кылаастаах успуорт маастара, хайанан сүүрүүгэ Арассыыйа чөмпүйүөнэ, Арассыыйа Куубагын хаһаайына, дойду араас чөмүйэнээттэрин призера Наталья Леонтьева киирдэ.

Санатан суруйдахха, ааспыт нэдиэлэҕэ Бэрдьигэстээххэ ыытыллыбыт «Манчаары оонньууларыгар» Наталья Сунтаар улууһун хамаандатыттан кыттан, 5000 м уонна 3000 м сүүрүүгэ кыайбыта. Бу туһунан Sportyakutia.ru саайт иһитиннэрэр.

0
0