Сүппүт Ан-2 сөмөлүөтү көрдүү 15:35 чааска аны Ми-8 бөртөлүөт көттө. Көтөр аал экипаһын кытта 5 быыһааччы барыста.
Санатар буоллахха, бүгүн, бэс ыйын 21 күнүгэр, 12:20 чааска СӨ Ыксаллаах быһыыга-майгыга министиэристибэтигэр АН-2 сөмөлүөт болдьохтоох кэмигэр “Вертикальнай” былаһааккаҕа тиийбэтэҕин туһунан суһал сурах кэлбит. Сөмөлүөт Үс Хатыҥ (Дьокуускай) – Вертикальнай (Кэбээйи улууһа) – Үс Хатыҥ (Дьокуускай) хайысханан көтүөхтээх эбит.
Сарсыарда 09.00 чааска көтөр аал «Вертикальнай» былаһааккаҕа тиийиэхтээх эбит эрээри, кэмигэр тиийбэтэх уонна радарга көстүбэт буолбут. Көтөр аал иһигэр үс киһи баар буолуохтааҕа сабаҕаланар (сөмөлүөт 2 экипаһа, 1 пассажир). Тырааныспар 1 туонна таһаҕаһы тиэммит.
+1
+1
+1
+1
+1
+1
+1