Доруобуйа Уопсастыба

Сөпкө аһааһын ыарыыны кыайарга көмөлөһүө

Аан дойдуну коронавирус айдаана аймаабыта номнуо үс ыйтан орто. Вирус туохтан үөскээбитэ, тарҕаммыта күн бүгүҥҥэ диэри чопчу биллибэтэ уонна өйдөммөтө дьону долгутар.

edersaas.ru

Онуоха Доруобуйа харыстабылын тэрилтэтэ (ВОЗ) COVID-19 пандемиятын бириэмэтигэр, дьиэҕэ хаайтаран олорор кэмҥэ сөпкө уонна иҥэмтиэлээх аһылыктары аһыырга сүбэлэри биэрэр.

-Остуолгутугар бородуукта толору көрүҥэ баар буоллун.

Сибиэһэй фрукта, өр кэмҥэ хараллар оҕуруот аһа, тоҥоруллубут отоннор уонна оҕуруот астара, хатарыллыбыт фрукталар, эриэхэ, подсолнух сиэмэтэ, балык кэнсиэрбэтэ, сыата суох үүт, сымыыт;

-Рис, эбиэс, гречка, мокоруон, тууһа суох креветка, килиэп (холодильникка уга сылдьыҥ);

— Кырахымаалынан баай, төрдүлэригэр астаахтар өр кэмҥэ буорту буолбаттар. (холобур, хортуоппуй);

-Испиирдээх утахтан уонна сыалаах-арыылаах астан аккаастаныҥ. Элбэхтик уута иһиҥ уонна эт-сиин эрчиллиилэрин оҥоруҥ. Тууһу уонна саахары остуолгутуттан ыраах уураргытын умнумаҥ.

  • Сөпкө аһааһын ыарыыны утары охсуһар күүскүт коронавируһу кыайарга көмөлөһүө.

 

Надежда ЕГОРОВА, “Саха сирэ”, edersaas.ru

0
1

Добавить комментарий