Бэлиитикэ

СӨ ойуур баһаарын үбүлээһинин 1,1 миллиард солк. үрдэттилэр

СӨ Ил Дархана Айсен Николаев ойуур баһаарыгар уонна халаан уутугар бэлэмнэнии туһунан РФ Бэрэсидьиэнин Уһук Илиҥҥэ  уокурук боломуочуйалаах бэрэстэбиитэлэ Юрий Трутнев салалталаах Сэбиэт сугулаанын сүрүн түмүктэрин иһитиннэрдэ.

Ол курдук Саха сиригэр ойуур баһаарыттан тыаны харыстааһын иһин 1 миллиард 170 мөлүйүөн 159 тыһыынча үп көрүллүбүт. Бу үп ойуур баһаарын (309 мөлүйүөн 406 тыһыынча солк.) 640 мөлүйүөн 492 тыһыынча солкуобайынан сөмөлүөтүнэн  кэтээн көрүү, ону таһынан авиадесантниктарга 184 ыстааттаах миэстэ арыллыытыгар көрүлүннэ.

Биэрэктэри бөҕөргөтүү үлэтигэр Бүлүү өрүскэ Үөһээ Бүлүү сэлиэнньэтигэр 2022-2024 сылларга федеральнай бүддьүөттэн 700 мөлүйүөн үп көрүллэр.

Маны сэргэ, федеральнай таһымнаах суһал быһыы-майгы тирээтэҕинэ, ол эбэтэр ойуур баһаардарыгар бөртөлүөт авиабылаһааккаҕа уматык куттар, нэһилиэнньэлээх пууннарга, кутталлаах эбийиэктэргэ баһаары утары судургу усулуобуйаны тэрийии туһунан этиитин Юрий Трутнев уонна РФ экологиятын миниистирэ Александр Козлов өйөөтүлэр.

Ульяна ЗАХАРОВА.

0
0