“СӨ ОДьКХ” ГУП Томпотооҕу филиалыгар сэтинньи 12 күнүгэр саҥа массыына үлэҕэ таҕыста. Филиалтан иһитиннэрбиттэринэн, “Томпо оройуонун” уонна “Хаандыга бөһүөлэгин” дьаһалталарын көмөлөрүнэн КамАЗ базатыгар саахалы туоратар-чөлүгэр түһэрэр анал тиэхиньикэ уона саахалы туоратар сулууспа наадыйыытыгар УАЗ дьуһуурунай массыына ылылынна.
Бу күн филиал автотырааныспарын учаастагын үлэһиттэрин ааспыт идэлээх бырааһынньыктарынан эҕэрдэлээтилэр. Үөрүүлээх тэрээһиҥҥэ Томпо оройуонун баһылыга Яков Степанов уонна Хаандыга бөһүөлэгин баһылыга Любовь Корнеева кытыннылар. Филиал дириэктэрэ Константин Сайфутдинов, кылаабынай мэхээнньик Виталий Черепанов уонна идэлээх сойуус бэрэссэдээтэлэ Марина Белоконова эҕэрдэлэрин тириэртилэр.
“Автотырааныспар учаастагын үлэһиттэрин идэлэрин дэгиттэр баһылаабыттара уонна таһаарыылаах үлэлэрэ тэрилтэ үлэтигэр төһүү буолар, кинилэр филиал салалтатын, кэлэктиип уонна оройуон олохтоохторун махталларын ылыан ылар”, — диэн суоппардар аадырыстарыгар үтүө тыл этилиннэ.
Томпотооҕу филиал автотырааныспарын учаастагар 13 суоппар үлэлиир, 13 тиэхиньикэ баар. Сүрүннээн тиэхиньикэни саахалы туоратыыга туһаналлар.
“СӨ ОДьКХ” ГУП пресс-сулууспата