“СӨ ОДьКХ “ГУП толоруулаах дириэксийэтигэр алын сүһүөх идэлээх сойуус саҥа састааба талылынна

“СӨ ОДьКХ “ГУП толоруулаах дириэксийэтигэр ыам ыйын 20 күнүгэр алын сүһүөх идэлээх сойуус тэрилтэтин уочарата суох отчуоттуур-быыбардыыр мунньаҕа буолла. Сүрүн боппуруос – салайар аппараакка идэлээх сойуус саҥа састаабын талыы.

Бэрэссэдээтэл дуоһунаһыгар үс хандьыдаат турбута – Екатерина Гейс, Григорий Гуринов уонна Мария Григорьева. Кистэлэҥ куоластааһын түмүгүнэн АХО отделын кылаабынай исписэлииһэ Екатерина Гейс үгүс куолаһы ылбыта. Саҥа талыллыбыт идэлээх сойуус лиидэрэ бииргэ үлэлиир кэллиэгэлэригэр махтанна уонна тэрилтэ үлэһиттэрин үлэҕэ уонна социальнай-экэнэмиичэскэй бырааптарын көмүскээһиҥҥэ үлэлэһиэм диэн эрэннэрдэ.

Ол кэнниттэн актыыбы уонна дэлэгээттэр истэриттэн бэрэссэдээтэли солбуйааччыны таллылар. Бэрэссэдээтэли солбуйааччынан Григорий Гуринов (экэниэмикэ управлениета) талылынна, састаапка киирдилэр: Мария Григорьева (тэрийэр-быраап үлэтигэр сулууспа), Ольга Потапова (кылаабынай инженер сулууспата), Күннэй Васильева (стратегическай сайдыыга сулууспа), Күннэй Федотова (ТЭР уонна тырааныспар сулууспата), Владимир Мандаров (үп сулууспата) уонна Иннокентий Васильев (кылаабынай инженер сулууспата).

“СӨ ОДьКХ” ГУП пресс-сулууспата

Бэлэмнээтэ Женни Стрюкова

Хаартыска: тустаах саайтан