“СӨ ОДьКХ” ГУП облигациялара инвесторга эрэллээх уонна тэрилтэҕэ туһалаах үп инструменынан буолаллар
“СӨ ОДьКХ” ГУП инвестицияҕа бэлиитикэтин хайдах ыытарын манна ааҕыҥ:
Маннык түмүгү “СӨ ОДьКХ “ГУП тэрилтэ облигацияларын илдьэ сылдьааччылары кытта ыыппыт вебинарыгар таһаардылар. Онлайн-былаһаакканы тэрийээчинэн “Велес Капитал” буолла. Хампаанньа 2019 сылтан тустаах ГУП бонатын таһаарар.
“СӨ ОДьКХ “ ГУП генеральнай дириэктэрин бастакы солбуйааччы Дмитрий Антонов тэрилтэ быйылгы үлэтин, кирэдьиити туһаныытын уонна инники соруктарын кэпсээтэ.
Кэнники икки сылга “СӨ ОДьКХ” ГУП инвестицияҕа бэлиитикэтэ федеральнай уонна өрөспүүбүлүкэ бырайыактарын суотугар тубуста. Онон 2019-2023 сылларга тэрилтэ тустаах инвестицияҕа бырагырааматын үбүлээһинин кээмэйэ 11,2 млрд солк. тҥэнэһэр. Балтараа сыл устата федеральнай бүддьүөттэн 1,45 млрд солкуобай инвестиция тардылынна. 2023 сылга — 2,18 млрд солк.
СӨ ОДьКХ уонна энергетика миниистирин солбуйааччы Наталия Готовцева Саха сирин Бырабыыталыстыбатын өрөспүүбүлүкэ олохтоохторун сылааһынан быыстала суох хааччыйыыга ыытар судаарыстыба бэлиитикэтэ тэрилтэ туруктаах буолуутугар төһүү буолар.
“СӨ ОДьКХ” ГУП сылааһынан өрөспүүбүлүкэ сирин 74 быр. хааччыйар, 26 муниципальнай оройуоҥҥа, 320 нэһилиэнньэлээх пууҥҥа хомунаалынай өҥөнү оҥорор.
“Эксперт РА” тутулуга суох агентство ruBBB – туруктаах диэн рейтини иҥэрбитэ. Ону тэҥэ МСФО-нан үбү отчуоттааһынын аудитын дьиҥнээх диэн сыаналанар.
“ВЕЛЕС Капитал” ИК анаарар-ырытар департаменын дириэктэрэ Иван Манаенко бэлиэтээбитинэн, бүгүҥҥү күҥҥэ эмитент ставкатын купона үчүгэй тэтими көрдөрөр, аан дойдутааҕы балаһыанньанан биржаҕа халбаҥнааһын да таҕыстар
Вебинарга инвестордар биһирииллэрин биллэрдилэр.
СӨ ОДьКХ уонна энергетика министиэристибэтин пресс-сулууспата
Хаартыска: тустаах саайтан
Бэлэмнээтэ Женни Стрюкова