“СӨ ОДьКХ” ГУП навигациянан оттугу тиэйии түмүгүн таһаарда

Ааптар: 
Бөлөххө киир:

“СӨ ОДьКХ” ГУП навигациянан оттугу тиэйии түмүгүн таһаарда.

ГУП филиалларын толору оттугунан хааччыйбыт. Ол туһунан манна ааҕыҥ.

“СӨ ОДьКХ” ГУП бу сыл уу суолунан Саха сирин 26 оройуонугар оттук-уматык ресурсаларын толору кээмэйинэн уонна болдьоҕор тириэртэ. Бу ситиһиилээх үлэ туһунан генеральнай дириэктэри ТЭР уонна стратегическай сайдыы боппуруостарыгар солбуйааччы Лев Соров иһитиннэрдэ.

“2021-2022 сыллардааҕы күһүҥҥү-кыһыҥҥы кэми бигэтик туоруур туһугар былааннаммыт 440,5 тыһ. туонна оттук тиэрдилиннэ. Тиэйии-сүөкээһин үлэтэ болдьоҕор ыытылынна. Төһө да навигация бастакы түһүмэҕэр күчүмэҕэйдэр баалларын үрдүнэн”, — диэтэ кини.

Миэстэтигэр диэри уу тырааныспарынан 362, 4 тыһ. туонна таас чох, 54 тыһ. туонна ньиэп, 24,1 тыһ. туонна гаас конденсата тиэрдилиннэ. Навигация бастакы түһүмэҕэр суһаллык Амма уонна Бүлүү өрүстэринэн Дьабарыкы Хайаттан таас чоҕу Амма уонна Бүлүү улуустарын филиалларыгар тиэйдилэр. Ону сэргэ таас чоҕунан Уус Алдан, Эдьигээн уонна Томпо филиалларын хааччыйдылар.

Дьааҥы, Абый, Орто Халыма уона Аллараа Халыма филиалларыгар 107,8 тыһ. туонна Зырянка таас чоҕун сүөкээтилэр. Сангаар бөһ. 89,3 тыһ. туонна таас чоҕу Ньурба, Эдьигээн, Томпо, Өлүөхүмэ уонна Амма филиалларыгар илтилэр. Өлүөхүмэ к. Халыма-Индигиир уонна Илин эҥэр оройуоннарыгар суудуналар былааннаах кээмэйи толору илдьэн сүөкээтилэр. Кыһыл Сыыртан Анаабыр, Булуҥ уонна Кэбээйи филиалларыгар 12,3 тыһ. туонна гаас конденсата тиийдэ.

“СӨ ОДьКХ” ГУП пресс-сулууспата

Бэлэмнээтэ  Женни Стрюкова

Хаартыска: тустаах саайтан

+1
0
+1
0
+1
0
+1
0
+1
0
+1
0
+1
0