“СӨ ОДьКХ» ГУП үлэһиттэрин харыстанар тэриллэринэн хааччыйда

“СӨ ОДьКХ” ГУП филиалларыгар 33 тыһыынча мэдиссиинэ мааскатын ыытыаҕа.

Мааскалар “Коммункомплектация” филиалын ыскылаатыгар кэлбиттэрин туһунан тэрилтэ үлэ хаамыытын хонтуруоллааһыҥҥа уонна үлэ харыстабылыгар управлениетын исписэлиистэрэ иһитиннэрдилэр.
ГУП генеральнай дириэктэрэ Виталий Чикачев этэринэн, коронавирус тарҕаныытын бохсууга үрдүк бэлэмнээх буолуу эрэсиимэ олохтоммутунан сибээстээн, үлэһиттэргэ харыстанар сириэстибэлэри эбии атыылаһар туһунан быһаарыы ылыммыттар.
“Тэрилтэбит үлэһиттэрин 87 бырыһыаныгар (атыттар тэйиччиттэн олорон) үлэлэригэр муҥутуур куттала суох усулуобуйа тэрилиннэ. Сүрүн уонна суһал үлэнэн дьарыктанар персонал харыстанар уонна антисептическэй сириэстибэлэринэн хааччылыннылар. Ааспыт нэдиэлэҕэ 5000 лиитэрэ антисептик кэлбитэ. Бүгүн бары филиалларга мааскалары ыытабыт”, — диэтэ Виталий Чикачев.
Тэрилтэ бары стратегическай эбийиэктэрэ этэҥҥэ үлэлии тураллар. Хочуолунайдарга уонна атын производственнай эбийиэктэргэ ураты эрэсиим олохтонно. Бары санитарнай ирдэбиллэр тутуһуллаллар. Үлэлиир дьиэлэрин иһин салгылаталлар, күҥҥэ иккитэ күүстээх дезинфекциялыыр сириэстибэлэринэн туһанан хомуйаллар, бактерициднай тыктарар тэриллэри туһаналлар.

“СӨ ОДьКХ” ГУП пресс-сулууспата
Бэлэмнээтэ Женни СТРЮКОВА, “Саха сирэ” хаһыат
Хаартыска: пресс-сулууспа киэнэ.