“СӨ ОДьКХ” ГУП-ка үлэһиттэргэ хаттаан быһыыны биэрии көхтөөхтүк ыытыллар
“СӨ ОДьКХ” ГУП-ка үлэһиттэргэ хаттаан быһыыны биэрии көхтөөхтүк ыытыллар
“СӨ ОДьКХ” ГУП филиалларыгар уонна салааларыгар коронавирус дьаҥа тарҕаныытын утары уонна кэлэктиибинэн иммунитеты үөскэтэр туһуттан үлэһиттэргэ быһыыны биэрии салҕанар. Ол курдук, тохсунньу 20 күнүгэр, толорор дириэксийэ уонна куораттааҕы салаа үлэһиттэригэр быһыыны туруордулар. Дьокуускай куорат 1 №-дээх поликлиникатын эмчиттэрэ тэрилтэ 17 үлэһитигэр “Спутник V” и “Спутник Лайт” препараттарынан хаттаан быһыыны биэрдилэр.
Тэрилтэ генеральнай дириэктэрэ Виталий Чикачев бэлиэтииринэн, дьоһун соругунан үлэһиттэргэ куттал суох буолуутун уонна чэгиэн доруобуйаларын хааччыйыы буолар, оттон быһыыны ылыы – коронавирустан көмүскүүр.
“Бүгүн кэлэктиип ыарыыны утарылаһар кыахтаах иммунитеттаах. Быһыыны ылыы толору кууруһун үлэһиттэр 95 бырыһыаннара ааста, аны персоналга хаттаан биэрии салҕанар. Сыл аҥаарын анараа өттүгэр быһыы ылбыт 1400 киһи хаттаан быһыыны ылла. Коронавируһунан ыалдьыбыт киһи ахсаана элбээбитинэн уонна дьаҥ түргэнник тарҕанарынан, биһиги производствоҕа быһаччы үлэлээбэт үлэһиттэртэн элбэх ахсааннаах киһини дьиэттэн олорон үлэлииргэ көһөрдүбүт. Туох-ханнык иннинэ аҕа саастаах уонна дьарҕа ыарыылаах дьону. Үлэлэринэн командировкаҕа барааччылар ПЦР-тест туттараллар”, — диэн чопчулаата кини.
Маны сэргэ дезинфекция мэлдьи ыытыллар, сөп ахсааннаах тус көмүскэнэр тэриллэр уонна антисептиктэр бааллар.
“СӨ ОДьКХ” ГУП пресс-сулууспата
Хаартыска: тустаах саайтан
Бэлэмнээтэ Женни Стрюкова.