“СӨ ОДьКХ” ГУП холбоһуктаах идэлээх сойууһа үлэһиттэрин сынньатар
Өрөспүүбүлүкэни сылааһынан хааччыйар тэрилтэ идэлээх сойууһа үлэһиттэрин хайдах сынньатарын ааҕыҥ эрэ!
Чэгиэн буолуу сылыгар “СӨ ОДьКХ” ГУП холбоһуктаах идэлээх сойууһа үлэһиттэри санаторийга-куруорка эмтэтэ ыытар.
Кулун тутар ыйтан ыам ыйыгар диэри “Коммунтеплосбыт”, Мэҥэ Хаҥалас, Анаабыр, Дьааҥы, Өлүөхүмэ, Бүлүү, Горнай, Уус Алдан, Өлөөн, Томпо филиалларын 13 үлэһитэ – профсоюһун чилиэнэ Белокурихаҕа (Алтай кыраайа), Пятигорскайга (Кавказ), Крымҥа уонна Сочи к. сынньанна.
“Икки нэдиэлэ устата биһиги муора уонна хайа салгынынан дуоһуйа тыынныбыт, бассейҥҥа сөтүөлээтибит. Чэбдигирдэр процедуралары ыллыбыт: илбийии, жемчужина ванната, ингаляция уо.д.а. Идэлээх сойууспутугар сынньалаҥмыт уонна эмтэниибит иһин махтанабыт”, — диэн бу саас Крымҥа сынньаммыт үлэһиттэр санааларын үллэһиннилэр.
Идэлээх сойуус путевкалары уонна санаторий-куруорт каартатын толотторууга көмөлөһөр, санаторийдарын талар, билиэттэрин атыылаһар. Путевка иһигэр олоруу, аһааһын уонна эмтэнии киирэллэр.
“СӨ ОДьКХ” ГУП холбоһуктаах идэлээх сойууһугар үлэһиттэр доруобуйалара тутаах боппуруоһунан буолар. Санаторийга-куруорка эмтэниини үбүлээһин профсоюз чилиэннэрин усунуоһунан оҥоһуллар.
Бу сыл бүтүөр диэри идэлээх сойуус 40 тахса путевканы биэрэргэ соруктанар, онон үлэһиттэр үксүлэрэ атырдьах-балаҕан ыйдарыгар сынньана, эмтэнэ барыахтара. Онон идэлээх сойуус көмөтүнэн уонна үлэ харыстабылын бырагырааматынан доруобуйаларын туругун тэрилтэ 130 үлэһитэ тупсарыаҕа.
“СӨ ОДьКХ” ГУП пресс-сулууспата
Бэлэмнээтэ Женни Стрюкова
Хаартыска: тустаах саайтан