“СӨ ОДьКХ” ГУП хамыыһыйата “Коммункомплектация” филиалын эбийиэктэрин көрдө...
Олох-дьаһах

“СӨ ОДьКХ” ГУП хамыыһыйата “Коммункомплектация” филиалын эбийиэктэрин көрдө

“Коммункомплектация” эбийиэктэрэ кыстыгы аһарарга төһө бэлэмнээхтэрий?

edersaas.ru

“СӨ ОДьКХ” ГУП генеральнай дириэктэрэ Виталий Чикачев салалтатынан оробуочай хамыыһыйа Дьокуускайга “Коммункомплектация” филиалын эбийиэктэрин: производственнай баазаны уонна автотырааныспар учаастагын көрдө.

Тэрилтэ салайааччылара ыскылааты көрөн, өрөмүөҥҥэ-чөлүгэр түһэриини ыытыыга наадалаах матырыйааллар төһө баалларын бэрэбиэркэлээтилэр. Ону тэҥэ хамыыһыйа ыскылааттар филиаллар инвестиционнай бырагыраамаларыгар олоҕуран уонна өрөмүөн үлэтигэр аналлаах саҥа кэлэр партияны тутарга төһө бэлэмнэрин эмиэ сиһилии көрдө.

Салайааччылар автотырааныспар сыаҕар эмиэ таарыйдылар. Быйылгы кыстыкка анал тырааныспар толору бэлэм.

“Быйылгы оттук сезонугар бэлэмнэнии чэрчитинэн араас ыксаллаах балаһыанньалар үөскүүр түгэннэригэр сөп буолар матырыйаал уонна тэрил  баар. Анал тиэхиньикэ аналынан үлэлииргэ мэлдьи бэлэмнээх”, — диэтэ Виталий Чикачев.

“Коммункомплектация филиала элбэх салаалаах тэрилтэнэн буолар, үлэтин сүрүн хайысхатынан тэхиньиичэскэй аналлаах бородууксуйаны тиэрдии, тэрилтэ филиалларын бородууксуйанан уонна матырыйаалынан хааччыйыы, Дьокуускайга уонна Маҕаҥҥа хомунаалынай ресурсаларынан хааччыйыы, туһанааччылартан төлөбүрдэри хомуйуу, автопаарканы тутуу буолар. Бээйтин састаабыгар производственнай баазалаах, биэс хочуолунайдаах, табаарга икки учаастактаах уонна автопааркалаах.

“СӨ ОДьКХ”  ГУП пресс-сулууспата

Бэлэмнээтэ Женни Стрюкова

Хаартыска: тустаах саайтан

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

один × 5 =