Кыстык этэҥҥэ ааһыытыгар хочуолунайдарга оттук кэмигэр тиэрдиллиэхтээх. “СӨ ОДьКХ” ГУП бу үлэни хайдах тэрийэрий?
edersaas.ru
Кыһыҥҥы суолунан “СӨ ОДьКХ” ГУП филиалларыгар 569 100 туонна оттугу тиэрдэр былааннаахтар. Ол курдук, өрөспүүбүлүкэ оройуоннарыгар 511,5 тыһ. туонна таас чоҕу, 25,7 тыһ. туонна гаас конденсатын уонна 32 тыһ. туонна ньиэп оттугу тиэйиэхтэрэ.
Билиҥҥи туругунан, оройуоннарга 33987 туонна хочуолунай оттуга ыытылынна. 31,6 тыһ. т. таас чох, 2,1 тыһ. т. гаас конденсата уонна 222 туонна ньиэп олохтоох сиригэр тиийдэ.
ГУП генеральнай дириэктэрин оттук-энергетика ресурсаларыгар солбуйааччыта Жан Бурцев иһитиннэрбитинэн, кыһыҥҥы суолунан тиэйии былаана эрэгийиэн бырабыыталыстыбатыгар сөбүлэһиннэриигэ киирбитэ.
“Олунньу-кулун тутар ыйдарга 670 анал тиэхиньикэни бу үлэҕэ кытыннарыахпыт. Эрэгиийэн тырааныспарка уонна суол хаһаайыстыбатыгар министиэристибэтин бирикээһинэн кыһыҥҥы суоллар 2021 сыл тохсунньутуттан аһыллаллара күүтүллэр”, — диэтэ кини.
Саамай элбэх оттугу Дьааҥы бөлөх оройуоннар филиалларыгар тиэйии күүтүллэр. Дьааҥы филиалыгар анаан Уус Куйгаттан уонна Усуйаана Нижнеянскайыттан 72 000 туонна таас чоҕу, Эбээн Бытантай филиалыгар – 9400 туонна ньиэп оттугун илдьиэхтэрэ. Итинтэн 600-н — ахсынньыга. Кыһын бастакы ыйыгар Өлөөн ОДьКХ-гар Иирэлээхтэн 500 туонна ньиэби таһыахтара.
“СӨ ОДьКХ” ГУП пресс-сулууспата
Бэлэмнээтэ Женни Стрюкова
Хаартыска- тустаах саайтан