Маны аах Уопсастыба

Үһүс оҕоҕо ый аайы төлөбүр бэриллиэҕэ

Саха сирэ федеральнай бүддьүөттэн субсидия көрүллэр 59 эрэгийиэн иһигэр киирдэ. Бу субсидия үһүс уонна онтон кэлэр оҕо төрөөтөҕүнэ, 3 сааһын туолуор диэри ый аайы бэриллэр. Тустаах ыйааҕы РФ Бырабыыталыстыбата таһаарда.

 

Бу ый аайы бэриллэр төлөбүр эрэгийиэҥҥэ олохтоммут тиийинэн олоруу алын кээмэйигэр тэҥнэһэр. Саха сиригэр төлөбүр суумата 18 559 солкуобай буолар. Маннык төлөбүрү 10 633 оҕо ылар кыахтаах.

Федеральнай бүддьүөттэн эбии 405,8 мөлүйүөн солкуобай көрүллүөҕэ. Маннык төлөбүрү биэрии туһунан сиһилии информация СӨ үлэ, социальнай сайдыы министиэристибэтин саайтыгар алтынньы 25 күнүн кэннэ тахсыаҕа.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

0
0
Telegram @edersaas20