Сүрүн Уопсастыба

Үһүс оҕоҕо бэриллэр төлөбүрдэр

Босуобуйалар, төлөбүрдэр кээмэйдэрэ сыллата индексацияланан, кыралаан үрдүүллэр. 2022 сыл олунньу 16 күнүнээҕи туругунан, оҕолоох дьиэ кэргэттэри өйүүр миэрэлэр үрдээбит кээмэйдэрин таһаарабыт.

Үһүс уонна онтон кэлэр оҕоҕо:

1-кы зона – 23 229 солкуобай;

2 зона – 19 457 солкуобай.

Бу төлөбүр 2019 сыл тохсунньу 1 күнүн кэнниттэн төрөөбүт оҕолоох уонна кыра дохуоттаах ыалларга (дьиэ кэргэн дохуота хас биирдии чилиэнигэр тиксэринэн, тиийинэн олоруу алын кээмэйэ иккигэ төгүллэммититтэн кыра буоллаҕына) бэриллэр. Холобур, дьиэ кэргэн дохуота биир киһиэхэ тиксэринэн, 42 119 солкуобайтан (среднедушевой доход) намыһах буоллаҕына эрэ.

Өрөспүүбүлүкэтээҕи Ийэ хапытаала – 144 467 солкуобай. 2011 сыл тохсунньу 1 күнүн кэнниттэн төрөөбүт оҕолоох ыалларга бэриллэр.

«100 сыл оҕолоро” хапытаал 100 000 солкуобай (2022 сыл тохсунньу 1 күнүттэн ахсынньы 31 күнүгэр төрөөбүт оҕолорго).

Ипотеканы төлүүргэ, кыччатарга бэриллэр суума – 450 000 солкуобай.

2019 сыл тохсунньу 1 күнүн кэнниттэн төрөөбүт оҕолоох ыалларга бэриллэр.

Уһук Илин уокуругар олорор, 2018 сыл тохсунньу 1 күнүн кэнниттэн төрөөбүт оҕолоох дьиэ кэргэттэргэ ипотека намыһах бырыһыана – 5%.

Биир төрөппүтү тырааныспар нолуогуттан босхолооһун. Элбэх оҕолоох дьиэ кэргэҥҥэ биир төрөппүккэ тырааныспар (массыына, матассыыкыл, мотороллер, оптуобус, эбэтэр, таһаҕас массыыната – биири талан) кини аатыгар суруллубут буоллаҕына, нолуоктан босхолонор. Бу чэпчэтии 2021 сыл тохсунньу 1 күнүттэн үлэлиир.

Болҕойуҥ!

Өрөспүүбүлүкэҕэ 2022 сылга олохтоммут оҕоҕо тиийинэн олоруу алын кээмэйэ: 1-кы зонаҕа – 23 229 солкуобай, 2-с зонаҕа – 19 457 солкуобай.

2022 сылга олохтоммут, нэһилиэнньэҕэ тиийинэн олоруу алын кээмэйэ: 1-кы зонаҕа – 22 356 солкуобай, 2-с зонаҕа – 18 726 солкуобай.

Ангелина Васильева, “Саха сирэ” хаһыат, edersaas.ru

Хаартыска: СИА.

0
0
Telegram @edersaas20