Доруобуйа Уопсастыба

Сөмөлүөккэ чэпчэтиилээх билиэттэр олунньу ортотуттан атыыга тахсыахтара

Уһук Илин уокуругун олохтоохторо сөмөлүөтүнэн айаннарыгар көрүллэр чэпчэтиилээх билиэттэр  олунньу ортотуттан тахсыахтара. Ити туһунан СӨ Бырабыыталыстыбатын бэрэссэдээтэлин солбуйааччы Алексей Колодезниковтан онлайн отчуот кэмигэр ыйыппыттарыгар иһитиннэрдэ.

edersaas.ru

Дойду Бэрэсидьиэнэ Владимир Путин сорудаҕынан Уһук Илин уокурук олохтоохторугар сааһыттан тутулуга суох сөмөлүөтүнэн көтөлөрүгэр субсидиялаах билиэттэр көрүллүбүттэрэ. “Билиэттэр  сөмөлүөт миэстэтигэр барытыгар буолбакка, уопсай ахсааныттан 10 бырыһыаныттан кырата суох миэсэтэҕэ көрүллүөҕэ”, — диэн бэрэссэдээтэл Алексей Колодезников эттэ. Маныаха булгуччулаах ирдэбил биир – сөмөлүөтүнэн көтөр киһи Уһук Илин уокуругар регистрациялаах буолуохтаах.

Сааһыттан тутулуга суох Уһук Илин уокуругун олохтоохторо сөмөлүөккэ субсидияламмыт билиэтинэн көтөллөрүгэр анаан үп көрүллүбүтэ. Москва уонна Санкт-Петербург хайысхатынан чэпчэтиилээх билиэтинэн Дьокуускайтан, Нерюнгриттан, Мирнэйтэн көтүөххэ сөп. Сыаната ортотунан 8700-9700 солкуобайга тэҥнэһиэҕэ. Атыыга 2021 сыл олунньу ортотуттан тахсыаҕа. Билиэти авиа каассалартан ылыахха сөп”, — диэн тырааныспар уонна суол хаһаайыстыбатын миниистирэ Владимир Сивцев иһитиннэрдэ.

Людмила ПОПОВА, “Саха сирэ” хаһыат, edersaas.ru

0
0
Telegram @edersaas20

Добавить комментарий