СӨ үлэҕэ уонна социальнай сайдыыга миниистири солбуйааччы Афанасий Постников араадьыйанан быһа сибээскэ тахсыаҕа

Бүгүн, тохсунньу 28 күнүгэр, күнүс 13 ч.05 мүн. «Саха» НКИХ «Тэтим» араадьыйа FM 107,1 долгунугар, «Былааһы кытта кэпсэтии» биэриигэ СӨ үлэҕэ уонна социальнай сайдыыга миниистири солбуйааччы Афанасий Постников кыттыыны ылыаҕа.

Миниистири солбуйааччы судаарыстыба өйөбүлүн, гражданнарга, оҕолоох дьиэ кэргэттэргэ категорияларынан социальнай төлөбүрдэр тустарынан сиһилии быһаарыаҕа. Араадьыйанан биэриигэ өрөспүүбүлүкэтээҕи сыаллаах «Дети столетия» хапытаал, атын төлөбүрдэр, «Саха сирин олохтооҕун каартатын» туһунан сырдатыллыа. Афанасий Васильевич нэһилиэнньэҕэ цифровой форматтаах өҥөлөр тустарынан быһааран кэпсиэҕэ. Маны сэргэ, дьиэлэрин киин ититэр тиһиккэ холбонууга кимнээххэ өйөбүл оҥоһулларын, социальнай хантараагынан көмө туһунан, о.д.а. кэпсиэҕэ. Чэпчэтиинэн туһанааччыларга санаторнай-курортнай эмтэнии, аҕам саастаах дьону ылар дьиэ кэргэттэр, о.д.а. ыйытыыларга быһа сибээс кэмигэр хоруйдуо. Ыйытыыларгытын : 8 (4112) 32-00-66, 32-11-66 төлөпүөҥҥэ эрийэн биэриэххитин сөп.

«Саха сирэ» хаһыат, edersaas.ru

Хаартыска sakha.gov.ru