Сүлдьүкээр олохтооҕо Мииринэй оройуонун куурусса этинэн хааччыйар былааннаах

Саввиновтар тыа сиригэр хаһаайыстыба тэрийиитигэр, сайыннарыыга «Агростартапка» кыттан грант ылбыттар. Кинилэр бу курдук тэринэн, үлэлээн тыа сиригэр ыччат болҕомтотун тардыахтарын, дьон-сэргэ эмиэ хаһаайыстыба тэриниэхтэрин баҕаралларын бэлиэтээн эппиттэр. Ылбыт үптэринэн сир арендалаабыттар, тэрил атыыласпыттар, күрүө-хаһаа туттубуттар. Бэйэлэрин харчыларыгар куурусса, хаас, индюк атыыласпыттар.

Быйыл күһүн биэс туонна курдук сибиинньэ этин уонна 700 кг курдук куурусса этин ылар былааннаахтар. Бэйэ аһынан-үөлүнэн оройуоннарын хааччыйарга соруналлар.