Саха сирин ытыктабыллаах олохтоохторо!
Саха Өрөспүүбүлүкэтин салалтатын уонна тус бэйэм ааппыттан Арассыыйаҕа Ийэлэр күннэринэн итии-истиҥ эҕэрдэбин тиэрдэбин!
Ийэлэр олоҕу бэлэхтииллэригэр, ахсаабат кыһамньыларыгар, истиҥ тылларын уонна өйөбүллэрин иһин махтал тыллары тиэрдэбин. Эһиги итэҕэлгитинэн, үтүө, сырдык санааҕытынан, уҕараабат тапталгытынан сайдабыт, бэйэбит суолбутун көрдөөн булабыт, саҥа кирбиилэри дабайабыт.
Өрөспүүбүлүкэ социальнай бэлиитикэтэ ийэҕэ өйөбүлү инники күөҥҥэ тутар. Саха сиригэр ийэлэр дьоһун көлүөнэни иитэн, улаатыннаран таһааралларыгар кэлим миэрэлэр ылыллаллар, тиһиктээхтик салҕаналлар. Доруобуйа харыстабылыгар, үөрэххэ хаачыстыба тупсар, олорор дьиэлэр тутуллаллар, аныгы оскуолалар, уһуйааннар, успуорт комплекстара уонна стадионнар, бибилэтиэкэлэр саҥардыллаллар, сэлиэнньэлэр уонна куораттар толору хааччыллыылаах буолаллар, үрдүк уонна орто анал үөрэхтэр систиэмэлэрэ сайдар.
Кэнники сылларга оҕолоох дьиэ кэргэттэргэ өйөбүл биллэ улаатта, оҕо төрөөһүнүн элбэтэргэ туһуланар саҥа миэрэлэр ылыллан олоххо киллэриллэллэр, көмөнү оҥорор мэхэньиисимнэр тупсарыллаллар. Бүгүн биһиги бу барыта өрөспүүбүлүкэ демографическай балаһыанньата тупсарыгар кыаҕы биэрбитин көрөбүт, ол аата биһиги сөптөөх суолунан баран иһэбит!
Күндү ийэлэр!
Олоххо дириҥ, муударай өйгүтүгэр-санааҕытыгар, истиҥ, үтүө сыһыаҥҥытыгар, көрсүө быһыыгытыгар махтанабын.
Чэгиэн доруобуйаны, уостубат эрэли, сырдык санааны, киэҥ-холку буолууну, табыллыыны уонна уһун дьоллоох олоҕу. Эһиэхэ уонна эһиги чугас дьоҥҥутугар чэчирии сайдыыны этэҥҥэ буолууну баҕарабын!
Саха Өрөспүүбүлүкэтин Ил Дархана А.С. Николаев
+1
+1
+1
+1
+1
+1
+1