Туймаада ыһыаҕын көрсө Үс Хатыҥҥа тэрээһин ыытыллар бары сүрүн эбийиэктэрин, былаһааккаларын, түһүлгэлэри саҥардыахтара. Бу туһунан СӨ Ил Дархана Айсен Николаев Үс Хатыҥҥа мунньах кэмигэр быһаарда.
Дьокуускай баһылыга Евгений Григорьев уонна кини солбуйааччыта Руслан Тимофеев иһитиннэрбиттэринэн, тэрээһиннэр ыытыллыахтаах былаһааккаларыгар номнуо сөргүтэр-саҥардыллар үлэлэр ыытылла тураллар. Ону сэргэ, күнү көрсөр былаһаакка көһүөхтээх, тыйаатыр былаһааккатыгар сыана оҥоһуллуохтаах, ыйынньыктар, успуорт тырыбыната эмиэ саҥардыллыахтара.
Бэлиэтээн суруйдахха, Туймаада ыһыаҕа Дьокуускайга бэс ыйын 25-26 күннэригэр ыытыллыаҕа. Ыһыах аһыллыытын тэрээһинигэр 1,5 тыһыынча киһи кыттыыны ылыаҕа.
Ульяна ЗАХАРОВА.
+1
+1
+1
+1
+1
+1
+1