СӨ Бырабыыталыстыбатын отчуота: Кирилл Бычков ааспыт сыллааҕы үлэни билиһиннэриэ, 2022 сыл былаанын сырдатыа
Саха Өрөспүүбүлүкэтин судаарыстыбаннай былааһын толорор уорганнарын үлэлэрин отчуота коронавирус дьаҥынан сибээстээн онлайн эрэсииминэн ыытыллар.
Өрөбүлгэ, олунньу 6 күнүгэр, СӨ Бырабыыталыстыбатын бастакы вице-премьерэ Кирилл Бычков отчуоту оҥоруо. Быһа биэрии «Саха» НКИХ, «Якутия 24» телеханаалларынан, «Тэтим» араадьыйанан сарсыарда 9.45 мүн. саҕаланар.
Кирилл Бычков 2021 сыл түмүгүнэн экэниэмикэ, инвестиционнай уонна нолуок политикатыгар, бырамыысыланнаска, тутууга, архитектураҕа уонна куораты тутууга, нэһилиэнньэ дьарыктаах буолуутугар, судаарыстыба оҥорор өҥөтүгэр туох үлэ-хамнас ааспыт сылга ыытыллыбытын кэпсиэҕэ, 2022 сылга былааны билиһиннэриэ, ыйытыыларга хоруйдуо.
Отчуокка СӨ экономика миниистирэ Майя Данилова, тутуу миниистирэ Павел Кылатчанов, бырамыысыланнас уонна геология миниистирэ Максим Терещенко, нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлэ Елена Калашникова, СӨ Ил Дархаҥҥа архитектураҕа уонна куораты тутууга управление салайааччыта Ирина Алексеева, уо.д.а. кыттыыны ылыахтара.
Быһа биэрии кэмигэр ыйытыыларгытын 8 (4112) 320111 нүөмэргэ эрийэн биэрэҕит. Олунньу 6 күнүттэн +7 (4112) 51-00-21 нүөмэргэ эрийиэххэ эмиэ сөп. Маны сэргэ, ыйытыыгытын yakutia.click ыытаҕыт. Отчуот «Саха» НКИХ ютуб-ханаалынан эмиэ бэриллэр. Отчуот кыраапыгын бу ссылканан киирэн көрүөххэ сөп.
+1
+1
+1
+1
+1
+1
+1