Сүрүн Уопсастыба

Саха сиригэр 4 600 дьиэҕэ гаас босхо киириэн сөп

Саха сиригэр босхо гаастааһын бырагыраамата олоххо киириитинэн СӨ Бырабыыталыстыбатын бэрэссэдээтэлэ Андрей Тарасенко салалталаах эрэгийиэннээҕи ыстаап үлэлиир. Ыстаап уочараттаах мунньаҕар 2022 сылга диэри нэһилиэнньэлээх пууннары гаастааһын былаанын уонна схематын тула кэпсэттилэр.

Саха сиригэр инвентаризация түмүгүнэн 82 нэһилиэнньэлээх пууҥҥа 4600 дьиэ бырагыраамаҕа хапсыан сөп. Билиҥҥи кэмҥэ биэс пууҥҥа 38 дьиэҕэ гаас киирдэ. Быйыл, былаан быһыытынан, 42 пууҥҥа 291 дьиэҕэ гаас киириэхтээх диэн.

Балаҕан ыйын 13 күнүттэн өрөспүүбүлүкэ олохтоохторо сирдэрин учаастагын кыраныыссатыгар диэри гааһы босхо киллэттэрэргэ сайаапка биэриэхтэрин сөп. Ол туһуттан «Сахатранснефтегаз» хампаанньа саайтыгар форманы толорор ирдэнэр.

Сайаапканы ыытыы бырагыраамаҕа хапсыыны эрэннэрбэт. Тустаах исписэлиистэр сайаапка бары ирдэбилгэ эппиэттиирин бэрэбиэркэлииллэр. Бигэргэнэр түгэнигэр дуогабар бырайыагар илии баттаһыахха наада.

Социальнай гаастааһын бырагыраамата РФ Бэрэсидьиэнэ Владимир Путин сорудаҕынан эрэгийиэннэргэ олоххо киирэр.

 Ил Дархан уонна Бырабыыталыстыба дьаһалтатын пресс-сулууспата.

0
0