Сүбэһит: Уот харчытын дьиэттэн тахсыбакка эрэ төлүөххэ сөп

Бөлөххө киир:
“Якутскэнергосбыт” Уһук Илиҥҥи энергетическэй хампаанньа” ПАУо нэһилиэнньэни кытта ыраахтан олорон, ол эбэтэр дистанционнай ньыманан өҥө төлөбүрдэрин ылар. Онон  дьиэттэн тахсыбакка эрэ уот харчытын төлүөххэ сөп.
Уотунан уонна ититиинэн туһаныы төлөбүрүн баан картатынан хамыыһыйата суох онлайн ньыманан хайдах төлүүбүт?

1. Интернеккэ киирэн, http://www.dvec.ru  диэн көрдөтөбүт.

2. http://www.dvec.ru сайтыгар киирэбит: https://lkyakut.dvec.ru/Account/LogOn?ReturnUrl=%2f

3. Сайт сүрүн сирэйин аллара өттүгэр «Личный кабинет» диэн ссылканы баттыыбыт.

4. Клиеннэри кытта үлэлэһэр порталга киирэбит. Сирэй суот нүөмэрин суруйабыт (ол квитанцияҕа баар).

5. Төлөбүр халыыба арыллыаҕа. Онно туһаммыт өҥөбүт суумата сурулла сылдьар буолуо. Онтон электроннай почта аадырыһын, төлөпүөн нүөмэрин уонна төлүүр суумабытын суруйабыт. «Төлөбүр» диэн кнопканы баттыыбыт.

6. Баан картатын көрдөрүүлэрин суруйар халыып арыллыаҕа. Онно банк картатын нүөмэрин, ол нүөмэр анныгар сурулла сылдьар ыйы уонна сылы, карта кэннигэр баар үс сыыппараны киллэрэбит. «Төлөбүр» диэн кнопканы баттыыбыт. Оччоҕо мобильнай төлөпүөҥҥэ төлөбүрү бигэргэтэргэ аналлаах СМС-код кэлиэҕэ. Ол коду суруйабыт уонна «Бигэргэтии» диэн кнопканы баттыыбыт.

7. «Төлөбүр түмүгэ» диэн сурук тахсыаҕа. Бэлэм буолла!

Хаартыска www.yakutskenergo.ru
+1
0
+1
0
+1
0
+1
0
+1
0
+1
0
+1
0