Сүбэ: хаары чиҥэтиэххэ!

Ааптар: 
Бөлөххө киир:

Урут тыаттан мас соһор суол эрдэ ириэрэр буолан, суолтан туораан тоҥуу хаарынан соһон барарбыт.

edersaas.ru


Кэнники, хаар ууллан бүппүтүн кэннэ көрдөххө, ол мас соспут суолбут устун күөх от бөҕөтө бытыгыраан тахсыбыт, оттон тула өттүгэр кур от бэйэтэ бэйэтинэн сытар буолара. Ол аата, мас хаары ыга баттаан чиҥэтэр итиэннэ чиҥээбит хаар хойут ирэн уута сиргэ, кырыска үчүгэйдик иҥэр эбит.
Мантан сэдиптээн, саас хаары катоктаан эбэтэр тимир илииһи соһон, чиҥэтэн биэриэххэ наада дии саныыбын. Оччотугар хаар уута-сиигэ тыалга-салгыҥҥа паар буолан көтөн хаалбакка, сорҕото сиргэ-кырыска иҥиэ этэ. Сииктээх сиргэ от үүнэрэ чуолкай. Оту бэйэбит сатаан үүннэрэр буоллахпытына эрэ, тыа хаһаайыстыбата өндөйүө.

Амма Лээгититтэн Михаил Тимофеев, «Саха сирэ» хаһыат, edersaas.ru саайтка анаан

+1
0
+1
0
+1
0
+1
0
+1
0
+1
0
+1
0