СӨ бастакы бэрэсидьиэнэ Михаил Николаев төрөөбүт күнүгэр улуустарга медиа-уруок ыытыллар
Бүгүн, сэтинньи 13 күнүгэр, Саха Өрөспүүбүлүкэтин бастакы бэрэсидьиэнэ Михаил Николаев төрөөбүт күнэ. Бу бэлиэ күн өрөспүүбүлүкэ улуустарыгар “Билиигинэн кыайыаҥ-2019” медиа-уруок ыытыллар.
Уруокка өрөспүүбүлүкэҕэ биллэр-көстөр дьон Михаил Ефимович бэлиитикэтэ Саха сирин олохтоохторугар суолтатын, Саха сирин сайыннарыыга турууласпыт үлэлэрин туһунан сырдатыахтара. Медиа-уруок орто сүһүөх уонна үрдүкү кылаас оҕолоругар анаан ыытыллар.
Аахсыйаны СӨ национальнай бибилэтиэкэтэ, СӨ бастакы бэрэсидьиэнэ М.Е.Николаев Өктөмнөөҕү архыып-бибилэтиэкэтэ көҕүлээтилэр диэн СӨ национальнай бибилэтиэкэтин пресс-сулууспатыттан иһитиннэрдилэр.
Хаартыска: СИА ылылынна
+1
+1
+1
+1
+1
+1
+1