СҮБЭҺИТ: Үрүҥ көмүһү ыраастыыбыт

Сөбүлээн уһуннук кэтиллэр үрүҥ көмүс киэргэллэргит хараарыахтарын сөп. Үксүн мыылаттан, тирии сириэстибэлэриттэн эбэтэр көрүүтэ-истиитэ суох кэтиллэр түгэннэриттэн. Дьиэҕэ таптыыр биһилэххитин, ытарҕаҕытын киртийииттэн быыһаан,  бастакы көстүүлэрин төнүннэрэр араас ньымалар уонна сүбэлэр бааллар. Холобур, үрүҥ көмүс хараарбытын ыраастыырга уксууһу, нашатырнай испиири туһаналлар. 

• Үрүҥ көмүһү фольганан уонна суоданан ыраастыыллар. Аан бастаан 1 лиитэрэ уу оргутабыт, 50 г суоданы кутабыт.  Оргуйа турар суодалаах ууга фольганы уонна киэргэлбитин угабыт, оччотугар химическэй реакция үөскээн, көмүс хараарбыта аҕыйах мүнүүтэнэн чэпчэкитик сүтэр.
• Аныгы үйэ ньыматынан кока-кола утахха көмөтүнэн сууйабыт. Бу нььыманы туһанарга кока-кола утаҕы оргутабыт уонна киэргэли 5-7 мүнүүтэ уган ылабыт. Ити кэннэ тымныы ууга уган сойутабыт.
• Ытарҕаны, биһилэҕи, атын киэргэли миэлинэн эбэтэр нашатырнай испииринэн ыраастан баран, сымнаҕас замшанан сотоллор.
• Үрүҥ көмүс хараарбытын өссө уксуустаах сылаас уунан ыраастыыллар.
• Күндү таастаах үрүҥ көмүс киэргэли ыраастыыр ньыма: ыстакаан аҥаара ууга 10 мл нашатырнай испиири кутуҥ, онно киэргэл 20-30 мүнүүтэ устата сытыахтаах, онтон ыраас салпыакканан сотуҥ.
• Үрүҥ көмүс иһит арыы-сыа буоллаҕына, маҥнай итии  духуопкаҕа 10 мүнүүтэ уган ылабыт, ол кэннэ 400 г ууга 25 г туус уонна 10 г лимоннай кислотаны кутан оргутабыт.
• Үрүҥ көмүс ньуоскалары нэдиэлэҕэ биирдэ нашатыырдаах испиири ууга суурайан сууйар ордук. Туттуох иннинэ кыра суодалаах итии угаа уган ыллахха килэбэчийэллэр.
• Ньуоскаҕа сымыыттан хаалбыт хара бээтинэлэри күлүнэн ыраастаан суох оҥоруохха сөп.

Тускутугар туһаныҥ!

sakha-sire.ru саайтан.