«Рядовой Чээрин» киинэни көрүҥ
«Рядовой Чээрин» киинэни Wink киирэн көрүөххэ сөп. Бу туһунан «Ростелеком» иһитиннэрэр.
Тимофей Сметанин сэһэнинэн уһуллубут хорсун саллаат Егор Чээрин (12+) туһунан киинэни Wink киирэн көрүөххүтүн сөп диэн этэллэр. Киинэни онлайн-киинэ тыйаатырыгар рекламата суох Full HD көрөҕүт.
Фронтовик-суруйааччы Тимофей Сметанин «Егор Чээрин» сэһэнин 1947 сыллаахха суруйбута. Кини саха литературатыгар өлбөт-сүппэт айымньылары бэлэхтээбитэ. Айымньыга Аҕа дойду уоттаах сэриитигэр булугас, мындыр өйдөөх саха хорсун саллаата Дьөгүөр туһунан кэпсэнэр.
«Мин киинэни устарга ылсан баран, уолаттар бу киинэни көрөннөр, өссө биир дьоруойданалларыгар сыал-сорук туруоруммутум. Биллэн турар, сэрии алдьархайын туһунан барытын көрдөрөр кыаллыбат. Ол гынан баран, үүнэр көлүөнэҕэ сөптөөх өйдөбүлү биэрэр наада: хайдахтаах да ыараханы кыайыахха сөп, хорсун-хоодуот, булугас өйдөөх, төрөөбүт дойдуну муҥура суох таптыыр буоллахха», — диэн киинэ режиссера Дмитрий Кольцов этэр.
«Wink видеосервис кэллиэксийэтэ сахалыы киинэлэринэн хаҥыыр. Урут «Ростелеком» онлайн-киинэ тыйаатырыгар «Пугало», «Миигиттэн атын таҥара суох» уонна «Хара хаар» киинэлэр тустарынан иһитиннэрэн турар. Оттон билигин «Рядовой Чээрини» көрөр кыах баар буолла.