Доруобуйа харыстабылын министиэристибэтин пресс-сулууспата Аллайыаха улууһун Русскай Устье сэлиэнньэтигэр фельдшерскэй-акушерскай пуун арылынна диэн иһитиннэрэр.
Үөрүүлээх тэрээһиҥҥэ Аллайыаха улууһун баһылыга Эдуард Слепцов, Русскай Устье баһылыга Сергей Портнягин, Арктика сайдыытын миниистирэ Александр Саввинов, Доруобуйа харыстабылын министиэристибэтин хаачыстыба хонтуруолун департаменын салайааччы Дьулустаан Чичахов, Аллайыаха оройуоннааҕы киин балыыһатын кылаабынай бырааһа Туйаара Слепцова о.д.а. кыттыыны ыллылар.
Дьулустаан Чичахов олохтоохтору эҕэрдэлээтэ уонна: «Бары өттүнэн усулуобуйа уонна саҥа тэриллэр хаачыстыбалаах медицинскэй көмөнөн хааччыйаллар«, — диэн бэлиэтээтэ.
Аллайыаха оройуоннааҕы киин балыыһатын кылаабынай бырааһа Туйаара Слепцова саҥа эбийиэк олохтоохторго медицинскэй көмөнү үрдүк таһымҥа оҥоруоҕа диэн эрэннэрдэ.
Саха сиригэр кэлэр икки сыл иһигэр өссө сэттэ ФАП уонна икки амбулатория тутуллара былааннанар.
edersaas.ru