РусГидро Саха сиригэр энергетиканы сайыннарыыга пилотнай бырайыагы үлэлэтэр

Ааптар: 
Бөлөххө киир:

«РусГидро» ПАУо  Арктикаҕа дизельнай ыстаансыйалары сайыннарыыга пилотнай бырайыага былаан хоту баран иһэрин туһунан туһааннаах хампаанньа  генеральнай дириэктэрин солбуйааччы  Роман Бердников Ил Дархан Айсен Николаевы кытта көрсүһүүтүгэр кэпсээтэ.


6 пилотнай бырайыакка киирбит дизельнай ыстаансыйалары аныгы технологиялары эбэн сайыннарыы Муома уонна Үөһээ Дьааҥы улуустарыгар бара турар. Бырайыак хоту бу ыстаансыйаларга   сөргүтүллэр энергетиканы  (возобновляемые источники энергии – ВИЭ) туһанар кыаҕы эбии холбуохтаахтар. Былааннаммыт үлэ кэнниттэн Арассыыйа ыраах сытар эрэгийиэнигэр муҥутуур кыахтаах ыстаансыйалар буолаллар.
2022 сыл бүтүөр диэри 4 энергокомплекс Хонууга, Кулун Өлбүккэ, Саһырга уонна Түбэлээххэ тутуллан үлэҕэ киириэхтэрэ.
Санатан эттэххэ, бу бырайыак Саха сирин Бырабыыталыстыбата «РусГидро» ПАУо хампаанньаны кытта 2020 сыллаахха түһэрсибит энергосервиснай хантараактарын иһинэн оҥоһулла тураллар.
Бу 6 пилотнай эбийиэктэр маҥнайгынан тутуллаллар, ону таһынан ааспыт сылга эбии түһэриллибит сөбүлэҥ чэрчитинэн, өссө 66 дизельнай ыстаансыйа Саха сирин нэһилиэктэригэр тутуллуохтара. Билиҥҥи туругунан инвестордары кытта үлэ бара турар, ону кытта олохтоох бэйэни салайыныы иһинэн тутуу барыахтаах сирдэрэ быһаарыллаллар.

edesaas.ru

+1
0
+1
0
+1
0
+1
0
+1
0
+1
0
+1
0