Айылҕа харыстабыла Маны аах

ӨРТӨӨҺҮНҮ ЫЫТЫЫ УОННА КУТААНЫ ОТТУУ БОБУУЛААХ!

Сыл ахсын баһаартан кутталлаах сезон  саҕаланар кэмигэр тустаах министиэристибэ кэтээн көрүүгэ үлэтэ сүрүннээн ойуур  баһаардара туруутун сэрэтиигэ, ол иһигэр,  судаарыстыбаннай ойуур иниспиэктэрдэрин патруллуур-рейдэлиир тэрээһиннэрин  ыытыыга туһуланар.

Бэрэбиэркэлиир үлэ ыам ыйыттан саҕалаан уот турар кэмэ түмүктэниэр диэри  ыытыллар.  Сайыҥҥы кэмҥэ ойуурга хонтуруоллуур  тэрээһиннэри күүскэ ыыталлар, патруль-рейдэ кэмигэр буруйдаах дьон административнай эппиэккэ тардыллаллар.
Ааспыт сезон устата ойуур баһаардара  туруутугар 34 киһи буруйдааҕа биллибитэ,  министиэристибэ дуоһунастаах дьоно ойуурга баһаартан кутталлаах буолуу быраабылатын кэһии иһин 2772000 солкуобайдаах 117  ыстараабы түһэрбиттэрэ.
Биллэрин курдук, ойуурга баһаартан куттал суох буолуутун быраабылата  РФ Бырабыыталыстыбатын 2020 сыл 07.10  күнүнээҕи 1614 №-дээх уурааҕынан бигэргэммитэ.  Ойуурга баһаартан куттал суох буолуутун быраабылатын кэспиттэр РФ КоАП 8.32  ыстатыйатынан административнай эппиэтинэскэ тардыллыахтара – ойуурга баһаартан  куттал суох буолуутун быраабылатын кэһии,
РФ Холуобунай Кодексын 261 ыстатыйатынан ойуурга таһаарбыт хоромньуларынан тустаах  кээмэйи аһары түстэхтэринэ, 10 тыһ. солк. ыстарааптаныахтарын сөп. Өскөтүн ойуурга баһаартан куттал суох  буолуутун быраабылатын кэһии хоромньута суох ойуур баһаара туруутугар тиэртэҕинэ  биирдиилээн дьоҥҥо – 5 тыһ солк., юридическай сирэйдэргэ – 1 мөл солк. диэри  ыстараап олохтонуон сөп. Ону тэҥэ ойуур баһаара сэрэҕэ суох буолууттан тахсыбыт  уонна уот туран, 50 тыһ тахса солк. хоромньуну таһаардаҕына, быраабыланы кэһээччи 3 сылга диэри көҥүлүн быһыы көрүҥүнэн
холуобунай эппиэтинэскэ тардыллар кыахтаах.
Ойуурга баһаартан куттал суох буолуутун быраабылатын 11 п РФ  Бырабыыталыстыбатын 2020 сыл 07.10 күнүнээҕи 1614 №-дээх уурааҕынан олоҕуран, 63 пп., Арассыыйа Федерациятыгар
Баһаары утары эрэсиим 185 быраабылатынан, РФ Бырабыыталыстыбатын 2020 сыл  16.09 күнүнээҕи 1479 №-дээх уурааҕынан  тыа хаһаайыстыбатыгар туһаныллар сиргэ,
саппааска турар сиргэ уонна нэһилиэнньэлээх пууннар сирдэригэр-уоттарыгар куурбут-хаппыт оту, быһыллыбыт бурдук тобоҕун (стерни), хомуур кэннинээҕи тобоҕу (рис соломотуттан уратыны) уматыы бобуллар.
СӨ Экологияҕа, ойууру туһаныыга уонна  ойуур хаһаайыстыбатыгар министиэристибэтэ Саха сирин олохтоохторун ойуурдаах сиргэ өртөөһүнү ыытыы уонна кутааны  оттуу бобулларын туһунан санатар. Күүстээх  тыалтан уот түргэнник тарҕанан, ыксаллаах  быһыыга-майгыга тиэрдиэн сөбүн туһунан  умнумаҥ.

 

0
0
Telegram @edersaas20