Горнай улууһун Солоҕон нэһилиэгэр халаан уутуттан нэһилиэнньэ олоҕо-дьаһаҕа куттала суох буолуутун хааччыйар сыалтан ыксаллаах быһыы-майгы режима биллэриллибитэ.
Өрт бөһүөлэгэр былырыыҥҥы халааҥҥа ууну тутар быһыт алдьанан, саҥаттан оҥорууга бырайыактааһын үлэтэ ыытыллар, быйыл демонтаж, ыраастааһын оҥоһуллубута. Муус устар 27 күнүттэн халаан уута эмискэ киирдэ. Муус устар 29 күнүгэр, сарсыарда 9 чааска гидропост көрдөрүүтүнэн, уу таһыма 2 м 58см көрдөрөн, кутталлаах таһымы — 2 м 53 см (условнай) куоһаран турар.
Элбэх квартиралаах үс олорор дьиэни уонна 3 социальнай обьектар олбуордарын уу ылла. Дьоҥҥо ууттан сэрэхтээх буолуу сэрэтии үлэтэ ыытыллар. Сүөһү, сылгы уу ылбат сиригэр көһөрүллүбүттэрэ.
Бу саас, уу кэлиэн иннинэ Өрт бөһүөлэгиттэн аллараа, «Хаар Балаҕан» үрэҕин сүнньүн ыраастааһын үлэтэ барбыта, онон уу этэҥҥэ барыытыгар оперштаб хонтуруолга тутар, үлэни ыытар.
Төрөппүттэр оҕолоргутун көрүүтэ-истиитэ суох ыытымаҥ.
Дьиэҕэ олоруу режимын тутуһун. Биир кэлим дьуһуурунай диспетчерскай сулууспа нүөмэрэ 41010.
https://www.instagram.com/p/B_jPC-NJGMW/?igshid=aaos08rqwmuc
Горнай улууһун ыксаллаах быһыы-майгы хамыыһыйатын иһитиннэриитэ