«Росздравнадзор»: «Эмп сыанатын хонтуруоллуубут»

Бөлөххө киир:

Росздравнадзор” салаатын салайааччы Евгений Иннокентьев бүгүн социальнай ситимҥэ быһа биэриигэ таҕыста. Кини эмп сыанатын, аптекаларга баарын-суоҕун туһунан уонна араас ыйытыыларга хоруйдаата.

Ыйытыы: Эмп сыаната тоҕо үрдээтэ? Ким ону хонтуруоллууруй?

— Биһиги күннэтэ мониторинг ыытабыт, хонтуруоллуу олоробут. Сорох аптекаларга сыана үрдээһинэ баар, ол гынан баран, кинилэр сыаналарын халлаантан ылан олохтооботтор. Атыылаһар сыаналарыттан эбэр араастаһыыларын биһиги хонтуруоллуубут. Аптекалар лицензиянан үлэлииллэр, ол иһин атыыласпыт сыаналарын, «накладной докумуоннарын» албыннаан уларытар кыахтара суох. Оннук түгэҥҥэ лицензиялара былдьанар буоллаҕа дии.

Сыана улаханнык үрдээтэ диир кыаҕым суох, кыратык үрдээбит буоллаҕына, ол атыылааччылар (поставщиктар) үрдэтэллэр.

Ыйытыы: Эмкэ маркировканы тоҕо билигин кэлэн оҥордулар? Ол иһин арбидол аптекаҕа суох диэбиттэрэ…

— Дьиҥинэн, ити маркировка оҥоһуллар буолбута, систиэмэ киирбитэ икки сыл буолла ээ. Бу судургута суох балаһыанньаҕа ол эбиллэн хаалла. Билигин аптекалар систиэмэҕэ киирбэккэ, эмп баарын-суоҕун иһитиннэрэллэр эрэ. Оннук быһаарыы ылыныллыбыта, онон эми атыылааһын түргэтээтэ.

Ыйытыы: Коронавируһунан ыалдьыбыт дьоҥҥо тоҕо босхо эмп биэрбэттэрий?

— Оннук эмп атыылаһылла илик. Атыылаһыллан, Саха сиригэр кэллэҕинэ, биэрэр буолуохтара.

Ангелина Васильева, «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0