Интэриэһинэй Уопсастыба Эдэр саас

«Россия түннүктэрэ» уонна «Россия былаахтара. Бэс ыйын 12 күнэ» аахсыйаҕа кыттыҥ



СӨ Ыччат дьыалаларыгар уонна социальнай коммуникацияҕа министиэристибэтэ баҕалаах дьону «Россия түннүктэрэ» уонна «Россия былаахтара. Бэс ыйын 12 күнэ» диэн Бүтүн Россиятааҕы аахсыйаҕа кыттыһарга ыҥырар.

Аахсыйа 2021 сыл бэс ыйын 10-12 күннэригэр ыытыллыаҕа.

Кыттыы усулуобуйата:

Аахсыйа кыттыылаахтара сааһыттан тутулуга суох дьиэлэрин түннүгэр бырааһынньыкка аналлаах уруһуйдары, наклейкалары сыһыараллар. Анал наклейкалар уонна уруһуйдар Интэриниэт ситимигэр бааллар. Кыттааччы сөбүлээбит уруһуйун, ойуутун принтерынан таһааран баран, кырааскалаан түннүгэр сыһыарар. Ону таһынан Россия былаахтарын ыйыыллара ирдэнэр.
Кыттааччы түннүгүн киэргэтэн баран хаартыскаҕа түһэрэр,  #ОкнаРоссиивЯкутии, #МыЯкутия, #МыРоссия уонна#СтранаПобедителей диэн хэштегтэри суруйан, @minmol_ykt бэлиэтээн социальнай ситимнэргэ таһаарар.

Дьиэ кэргэнинэн бииргэ оҥоһуллубут үлэлэргэ ураты болҕомто ууруллуоҕа.

Бастыҥ үлэлэр Министиэристибэ сайтыгар тахсыахтара ону тэҥэ «САХА» НКИХ телеханаалыгар көстүөхтэрэ.

0
0