«Россия 24» телеханаалга бүгүн, олунньу 7 күнүгэр, 20.02 чаастан Арассыыйа биллиилээх суруналыыһа Александр Рогаткин Саха сирин туһунан устубут документальнай киинэтин көрдөрүөхтэрэ.
Киинэни Саха сиригэр былырыын ахсынньыга устубуттара. Александр Рогаткин ВГТРК устар бөлөҕүн кытары Дьокуускайга, Мииринэйгэ, Өлөөҥҥө , «Өлүөнэ очуостара» национальнай пааркаҕа сылдьан устубуттар.
«Анал кэрэспэдьиэн Александр Рогаткин күндү таастары хайдах хостуулларын, илиитигэр алмааһы тутан көрбүтүн, эбэҥки табаһыт ыалыгар сылдьыбытын, аар-саарга аатырбыт «Өлүөнэ очуостара» тоҕо кээрэнэллэрин, учуонайдар сэлиини үөрэтэллэрин, о.д.а. көрдөрүө, кэпсиэ. 50 мүнүүтэлээх киинэҕэ бэрт элбэх интэриэһинэй көрүөххүт-истиэххит.
Документальнай киинэни бу сыылканан киирэн көрүөххүтүн сөп. https://www.youtube.com/watch?v=Y-IY-rr7LiI&feature=youtu.be
СӨ Ил Дархан уонна Бырабыыталыстыба пресс-сулууспата
+1
+1
+1
+1
+1
+1
+1