Саха сирин оҕолоох ыаллара Россельхозбаантан чэпчэтиилээх ипотекатын кирэдьиитин ылар буолуохтара.
«Дьиэ кэргэн ипотеката» бырагыраама 2018 с. оҕолоох ыаллар олорор усулуобуйаларын тупсарыналларыгар анаан үлэҕэ киллэриллибитэ. Бу бырагырааманан 4,95 %-наах кирэдьиити ылан, саҥа тутуллар дьиэҕэ кыбартыыра атыылаһыахха итиэннэ эрдэтээҥи кирэдьиити рефинансируйдуохха сөп. Бырагыраамаҕа 2018 с. тохсунньу 1 күнүттэн 2022 с. ахсынньы 31 күнүгэр диэри төрөөбүт биир оҕолоох ыаллар итиэннэ инбэлиит оҕолоох дьиэ кэргэттэр киирсэр кыахтаахтар. Чэпчэтиилээх кирэдьиит ырыынак ыстаапкатыттан араастаһыытын бааннарга судаарыстыба толуйар.
– Чэпчэтиилээх бырыһыанынан 6 мөл. солк. тиийэ харчыны ылыахха сөп, – диир баан Саха сиринээҕи салаатын отделын начальнига Герасим Васильев.
Чэпчэтиилээх кирэдьиит усулуобуйатын баан саайтытан www.rshb.ru сиһилии билсэргэ Россельхозбаан пресс-сулуспата ыҥырар.
Раиса Сибирякова, «Саха сирэ», edersaas.ru