Роспотребнадзорга сыл бастакы аҥаарыгар 7400 ыйытыы киирбит

Роспотребнадзор Саха сиринээҕи управлениеты иһитиннэрбитинэн, быйыл сыҥ аҥаарыгар кинилэргэ уонна улуустарга үлэлиир салааларыгар барыта  7415  ыйытыы төлөпүөнүнэн киирбит. Бу туһунан sakha.gov.ru суруйар. Бу киирбит ыйытыылартан 6746 санитарнай-эпидемиологическай турук, 567 ыйытыы туһанааччылар бырааптарын туһунан. Онтон атын тэрилтэҕэ сыһыаннаах ыйытыылары биэрбит дьоҥҥо, быһааран туран ханнык ньүөмэргэ эрийэрин чопчулаан биэрэллэр.

Киирбит ыйытыыларга тохтоотоххо, коронавирус дьаҥар сыһыаннаах ыйытыы 6600. Сэрэйиллэрин курдук, дьон ордук долгуйан вирус, дьаҥ сибикитин, кимнээх дьаҥҥа хаптарыахтарын сөбүн, чэбдигирдии үлэлэр, тест, хааччахтанан олоруу эрэсиимин, Дьокуускайга, улуустарга коронавирус балаһыанньатын, тутуһуллар быраабылалар, ирдэбиллэр, баахтанан уонна дьыл кэмиттэн кэмигэр үлэлиир дьон улуустарга тиийиилэригэр ирдэбиллэр тустарынан ордук тоһоҕолоон ыйыталлара бэлиэтэнэр. Маны сэргэ, өҥөнү оҥорооччулар, ОДьКХ, управляющай хампаанньа дьон олорор элбэх кыбартыыралаах дьиэлэрин подъезтарын дезинфекциялааһынын уонна хомуйуутун, Дьокуускайга уонна нэһилиэктэргэ тырааныспарынан сырыыга быраабылалар, интерактивнай каарта туһунан чопчулаһаллара бэлиэтэнэр. Быйыл коронавирус дьаҥыттан сылтаан, авиабилиэттэри төнүннэрии боппуруоһа элбэх киһини улаханнык  долгуппута. Ол курдук, 302 ыйытыы итиннэ киирэн сүбэ-ама бэриллибит. 567 киһи туһанааччылар бырааптарыгар, 265 сибээс өҥөтүнэн туһаныыга, уопсастыбаннай аһылык өҥөтүн оҥорууга, ОДьКХ, таҥас-сап атыытыгар-тутуутугар, кирэдьиити биэрэр тэрилтэлэр үлэлэригэр, нэһилиэнньэҕэ өҥөнү оҥоруу боппуруоһугар сүбэлэр-амалар оҥоһуллубуттар.