Саха Өрөспүүбүлүкэтин Роспотребнадзора коронавирус ыарыыттан харыстанарга илиини сөпкө суунуҥ диэн кэккэ эрэкэмэндээссийэлэри биэрэр.
edersaas.ru
Антисептик – илиини ыраастыыр аныгы дезинфицируйдуур ньыма буолар. Туттарга-хаптарга судургу, түргэн буолан, дьон ордук сөбүлээн атыылаһар. Ордук коронавирус пандемиятыгар антисептик оруола биллэ улаатта.
Антисептигы атыылаһарга болҕомтону туохха уурар нааданый?
Бастатан туран, састаабар испиир бырыһыанын көр. Иккиһинэн, төһө элбэҕи уонна төһө өр тириигэр иҥэрэрин быһаарар туһуттан хайдах туттуллуохтааҕын сиһилии аах.
Итиэннэ ханнык вирустар, бактериалар көрүҥнэригэр дьайарыгар болҕомто уурар наада. Аҥардас бактериялары утары диэни атыыластахха, вирус дьаҥар бу антисептик көмөлөспөт. Ол иһин бары ыарыыны көбүтээччилэргэ аналлаах киэҥ дьайыылаах тирии антисептигын атыылаһар ордук.
Чахчы күүстээх антисептик састаабыгар 60–80 % изопропиловай эбэтэр этиловай испиир баар буолуохтаах.
Маны сэргэ баара-суоҕа 5 сөкүүндэ ытыскын эрэ ньуххарынар татым, тарбахтаргын, илиигин бүтүннүү, тарбаҕыҥ төбөтүгэр тиийэ, 30-ча сөкүүндэ соттор кэрэх. Онтон куурарын кэтэһэ түһэр наада. Ол иһин антисептик инструкциятын сиһилии ааҕар оруннаах – манна бородууксуйаны хайдах туттар туһунан сиһилии ыйыллар. Сорох антисептиктары икки мүнүүтэттэн кырата суох иккитэ-үстэ төхтүрүйэн соттуҥ диэн этиллэр.
Ирина Ханды, “Саха сирэ” хаһыат, edersaas.ru
Хаартыска: Интэриниэт ситимиттэн