Роспотребнадзор Саха сиринээҕи салаата нэһилиэнньэҕэ быһыыны биэрии туһунан

«Санитарнай-эпидемиологическай быһыы-майгы уустук. Ордук үлэлиир саастаах улахан дьон ыалдьаллар. Дойду сүрүн санитарнай бырааһа, ыам ыйын 19 күнүгэр, нэһилиэнньэҕэ быһыыны оҥорор туһунан уурааҕа тахсыбыта»,— диэтэ Маргарита Игнатьева. Мэҥэ Хаҥаласка уонна Дьокуускайга коронавируска сутуллааччы элбээбитин бэлиэтээтэ. Былаанынан өрөспүүбүлүкэҕэ нэһилиэнньэ улахан дьонун 70% быһыыны ылыахтааҕын эттэ. Маныаха быһыыны ыам ыйын саҕаланыытыгар өрөспүүбүлүкэҕэ уопсайа 120 тыһыынчаттан тахса киһи ылбыт. Оттон кэнники күннэргэ быһыыны ылааччы ахсаана 18 тыһ.кэриҥэ киһиэхэ тиийбит.

Маргарита Игнатьева үлэ биэрээччилэр үлэһиттэрэ быһыыны ылалларын хааччыйыахтаахтарын, бу бүддьүөт уонна судаарыстыбаннай тэрилтэлэргэ эрэ буолбакка, урбаанынан дьарыктанааччыларга, федеральнай тэрилтэлэргэ эмиэ туһаайылларын тоһоҕолоото.