Доруобуйа Маны аах

Роспотребнадзор: дельта-штамм — симптома суох ыарыы

Кэлиҥҥи кэмҥэ сорох сыстыганнаах дьаҥынан ыалдьыбыт киһини таһыттан көрөн, ыалдьыбытын билимиэххэ сөп.

Киһи коронавирус  ханнык штаммынан ыалдьыбытын лаборатория эрэ чинчийэн билэр кыахтаах.  Бу туһунан Роспотребнадзор бэйэтин саайтыгар быһаарыы таһаарда.

Коронавирус индийскэй штаммын (B.1.617) 2020 сыллаахха алтынньыга чинчийэн булбуттара.  Онтон бу штамм үс көрүҥүн булбуттара: B.1.617.1, B.1.617.2 («дельта») уонна B.1.617.3. Бу штаммнар бэйэ-бэйэлэрин кытта мутациянан араарыллаллар. Бэс ыйыгар Индия Махараштра штатыгар «Дельта плюс» (B.1.617.2.1) штаммы булбуттара.

«Киһини таһыттан көрөн сыстыганнаах дьаҥ  ханнык көрүҥүнэн сүһүрбүтүн билимиэххэ сөп. Маннык түбэлтэҕэ киһи анаалыһын лабораторнай усулуобуйаҕа вируһу олохтоохтук чинчийэн эрэ быһаарыахха сөп.

Дельта штамма киһи организмыгар коронавирус курдук киирэр: сөтөл, уҥуох кыйыыта, сыты уонна амтаны билбэт буолуу. Маныаха тымныйыы уонна ис уорган сүһүрүүтүн курдук ыарыы сибикитэ эбиллэр:  мурунтан уу сүүрүүтэ (насморк), төбө, күөмэй ыарыыта, хотуо.  Исписэлиистэр ПЦР-тест бары ирдэбили тутуһуллан ыытылланнаҕына ыарыы биллиэн сөп дииллэр. Ол эрээри, чинчийии бу көрүҥэ коронавирус баарын эбэтэр суоҕун эрэ бигэргэтэр. Киһи ханнык штаммынан сүһүрбүтэ биллибэт. Онон штаммнары лабораторияҕа эрэ уустук чинчийиини ыытан билиэххэ сөп», — диэн иһитиннэриигэ этиллэр.

 

Елена ПОТОЦКАЯ, “Саха сирэ” хаһыат, edersaas.ru

0
0
Telegram @edersaas20