Саха Өрөспүүбүлүкэтигэр Роспотребнадзор управлениета ыам ыйын 17 күнүттэн отон уонна оҕуруот аһын бородууксуйатын хаачыстыбатын уонна куттала суох буолуутун боппуруостарыгар «быһа линияны» үлэлэтэр.
edersaas.ru
Роспотребнадзор управлениетын уонна “Саха Өрөспүүбүлүкэтигэр гигиена уонна эпидемиология киинин” Консультациялыыр киинин исписэлиистэрэ ыам ыйын 17 -24 күннэригэр отон уонна оҕуруот аһын бородууксуйатыгар ирдэбиллэр боппуруостарыгар нэһилиэнньэҕэ сүбэ-ама биэриэхтэрэ.
«Суһал линия» төлөпүөннэрэ: 8-800-550-21-24, (4112)44-61-58, (4112)35-62-72. Өрөспүүбүлүкэ оройуоннарын ыйытыылара управление территориятааҕы отделларын төлөпүөннэрин нөҥүө ылыллар. Ол туһунан управление саайтыгар билсиэххэ сөп.
Манна даҕатан эттэххэ, 2015 сылтан Арассыыйа федерациятыгар туһанааччылар бырааптарын көмүскээһин эйгэтигэр судаарыстыбаннай иһитиннэрэр ресурс үлэлиир. Манна булгуччулаах ирдэбиллэргэ сөп түбэспэт бородууксуйа туһунан, ол иһигэр ас-үөл бородууксуйата эмиэ, сибидиэнньэлэр киллэриллэллэр.
Маҕаһыыҥҥа хаачыстыбата суох бородууксуйаҕа түбэстэххитинэ, Саха Өрөспүүбүлүкэтин Роспотребнадзор управлениетыгар иһитиннэриэххитин сөп.
Аадырыһа: Дьокуускай куорат, Ойуунускай уулуссата, 9 № дьиэтэ эбэтэр управление саайтыгар баар форманы толорон ыытыаххытын сөп.
Надежда ЕГОРОВА, «Саха сирэ», edersaas.ru