Роспотребнадзор буруо салгыҥҥа дьайыытын бэрэбиэркэлиир

Бөлөххө киир:

Саха сиринээҕи Роспотребнадзор управлениета ойуур баһаарыттан күүһүрбүт буруо кэмигэр Дьокуускайга уонна 12 нэһилиэнньэлээх пууҥҥа  салгын баттааһыныгар 10 көрдөрүүгэ 120 боруобаны оҥордо.

edersaas.ru

Роспотребнадзор управлениетын  салайааччытын солбуйааччы Наталья Борисова иһитиннэрбитинэн, от ыйын 20 күнүнээҕи туругунан, Дьокуускай куоракка салгын туругун чинчийиигэ  биир көрдөрүүгэ – азот диоксидыгар сөптөөх концентрация 1,2 төгүл куоһарыллыбыта бэлиэтэннэ. Онтон улуустарга атын көрдөрүүлэргэ аһара барыы суох”, — диэн Наталья Борисова иһитиннэрдэ. Кини маннык күннэргэ таһырдьа сылдьар кэмҥэ  эт-хаан ноҕуруускатын аҕыйатарга сүбэлээтэ. Чуолаан кырдьаҕастар, оҕолор уонна тыынар уорганнара, сүрэх-тымыр систиэмэтэ эмсэҕэлиир, аллергиялаах дьон итии күннэргэ таһырдьа сылдьалларын аҕыйаталларыгар эттэ. Управление ону таһынан күүстээх буруо кэмигэр мааскалары кэтиэххэ, түннүк уонна аан быыстарын иччэҕэй таҥаһынан бүөлүөххэ, кондиционердары туһаныахха сөбүн санатта. Санатан эттэххэ, буруо Хабаровскай кыраай хотугу өттүгэр турбут ойуур баһаарыттан кэлэр.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0