Мааска дьаҥтан-дьаһахтан хаххалыыр, көмүскүүр. Бу туһунан Роспотребнадзор санатар.
Маасканы кэттэххинэ, ОРВИ-тан, тымныйыыттан, салгынынан бэриллэр дьаҥтан хаххаланаҕын, харыстанаҕын. Ол гынан баран, маасканы сөпкө кэтэри билэҕин дуо? Бу туһунан Роспотребнадзор уонна Стопкоронавирус порталга ролигы көрүөххүн сөп.
Мааскалаах буоллаххына, ытырдыыттан, сөтөллүүттэн салгынынан бэриллэр ОРВИ дьаҥын көбүтэр вирустан хаххалааххын. Манна эбии илиигин сотору-сотору сууна сылдьыахтааххын, малы-салы дезинфекциялыахтааххын, ханна да сырыттаххына дистанцияны тутуһуохтааххын.
Өйдөө! Маасканы икки-үс чаас кэтэн баран уларытыахтааххын. Биирдэ кэтиллэргэ анаан оҥоһуллубут маасканы иккистээн кэппэккин. Кэппит мааскаҕын дьиэҕэр туспа бакыакка уган, баайан баран быраҕаҕын.
Роликтары манан киирэн көрүөххүтүн сөп:
https://www.youtube.com/watch?v=Kk1My6JjyHM&feature=youtu.be
https://www.youtube.com/watch?v=NJyPtk3Dcfo
СӨ Ил Дархан уонна Бырабыыталыстыба пресс-сулууспата