«РосКвиз» оонньуу ыытылынна

22.08.2020
Бөлөххө киир:

Атырдьах ыйын 21 күнүгэр, РФ былааҕын күнүнэн, «РосКвиз» өй оонньуута ыытылынна. Бу туһунан «Биир ньыгыл Россия» өрөспүүбүлүкэтээҕи салаатын пресс-сулууспата иһитиннэрэр.

Квиз оонньуу ZOOM былаһааккатыгар ыытылынна.

Кыттааччылар Россия култууратыгар, политическай балаһыанньатыгар, географиятыгар уонна историятыгар сыһыаннаах боппуруостарга эппиэттээтилэр.

«Россия былааҕа бэлиэ эрэ буолбакка, судаарыстыба улуу историятын кэрэһитэ. Ыччакка оонньуу быһыытынан дойдубут историятын, географиятын, култууратын кэпсээбиппититтэн үөрдүбүт. Хамаандаларга барҕа махтал», — диэтэ «Биир ньыгыл Россия» баартыйа өрөспүүбүлүкэтээҕи сүбэтин бэрэссэдээтэлин солбуйааччы Василина Лукина.

Уопсайа сэттэ хамаанда кытынна: эдэр бырабыыталыстыба, Биир ньыгыл Россия Эдэр Гвардиятын, Арктическай ГАТУ эдэр исписэлиистэрин, ураты соруктаах ыччат, үөрэх эйгэтин эдэр үлэһиттэрин, ХИФУ ППОС уонна «Якутскэнерго» «Энергия тепла» хамаандалара.

Оонньуу түмүгүнэн, үһүс миэстэҕэ Арктическай ГАТУ эдэр исписэлиистэрэ, иккис миэстэҕэ эдэр бырабыыталыстыба ыччата уонна кыайыылааҕынан «Якутскэнерго» «Энергия тепла» хамаандалара таҕыстылар. Кыттааччылар дипломнарынан, өйдөбүнньүк бэлэхтэринэн наҕараадаланнылар.

 «Саха» НКИХ сайтыттан

+1
0
+1
0
+1
0
+1
0
+1
0
+1
0
+1
0