«Роскосмос» үлэһиттэрэ Хатыыстыыр олохтоохторун кытары көрүстүлэр
Сэтинньи 27 күнүгэр «Роскосмос», СӨ Быыһыыр сулууспатын уонна Айылҕа харыстабылын Алданнааҕы кэмитиэтин бэрэстэбиитэллэрэ Алдан оройуонун Хатыыстыыр орто оскуолатын үөрэнээччилэрин кытары көрүстүлэр.
edersaas.ru
Ол курдук кэлбит ыалдьыттар аракыата тобохторо тулалыыр эйгэҕэ буортута суоҕун итиэннэ сарсын «Восточнай» космодромтан көтүөхтээх аракыата тобохторо түһэллэригэр бэлэмнэнии үлэтэ хайдах бара турарын туһунан оҕолорго кэпсээтилэр.
– Былырыын аракыата аргыһын тобоҕо түһэригэр нэһилиэнньэ куттана санаабыта. Баҕар сүлүһүннээх, радиациялаах тэрили айылҕабытыгар түһэриэхтэрэ диэн. Ол иһин бэйэм «Роскосмос» үлэһиттэрин кытта тэҥҥэ сылдьан, барытын илэ харахпынан көрөн, нэһилиэгим дьонугар тиэрдибитим. Дьон билбэтиттэн куттанар. «Роскосмос» хампаанньа Хатыыстыыр оскуолатыгар көмпүүтэринэй кылаас тэрийэрбитигэр 200 тыһ..солк. көрбүтэ, – диэн Хатыыстыыр баһылыга Ньургустаан Прокопьев иһитиннэрдэ.
Николай Попов, edersaas.ru