Роскомнадзор коронавирус туһунан сымыйа сурахтары социальнай ситимҥэ, интэриниэт-ханаалларга ыыппыт иһитиннэрэр-биллэрэр эйгэ лицензияларын сарбыйарга уонна блоктуурга бэлэмин туһунан дьаҥ саҕаланыаҕыттан сэрэппитэ.
Ол курдук,»Информация туһунан» 149-с №-нүөмэрдээх Федеральнай сокуонунан кытаанах миэрэлэр ылыллыахтара.
Дьоҥҥо-сэргэҕэ аймалҕаны үөскэтэн, сымыйа сурахтары социальнай ситимнэргэ, араадьыйаларга, күөх экраҥҥа, батсаап бөлөхтөрүгэр тарҕатааһыны күн аайы бэрэбиэркэлээн мониторинг ыыталлар. Роскомнадзор быраабы араҥаччылыыр уорганнары уонна генборокуротуураны кытта ыкса үлэлэһэн, хас биирдии сымыйа сураҕы быһаарар кыахтаах.
Роскомнадзор сымыйа сурахтары, аймалҕаны үөскэтэр, дьону-сэргэни куттуур сонуннаах бөлөхтөру сабар бырааптаах.
Сонуну официальнай саайтартан ааҕыҥ, сымыйа сурахтарга итэҕэйимэҥ.
edersaas.ru
+1
+1
+1
+1
+1
+1
+1