Бэрээдэк Уопсастыба

Росгвардеецтарга быһыыны биэрии саҕаланна



Саха сиригэр Росгвардияҕа сулууспалыыр байыаннайдарга коронавируһу утары быһыыны биэрии тэрээһинэ саҕаланна.

Бастакынан Уус Дьааҥы Росгвардиятын үлэһиттэрэ ыллылар. Быһыыны Депутатскай бөһүөлэгэр улуустааҕы киин балыыһаҕа биэрдилэр. Росгвардеецтар бэйэлэрин баҕаларынан быһыыны ылалларын туһунан тэрилтэ пресс сулууспата иһитиннэрэр.

Ону таһынан Алдан, Ньурба, Томпо улууһун росгвардеецтара эмиэ ылбыттар.

— Бастатан туран, нэһилиэнньэни кытта быһаччы үлэлиир, онон сыстыганнаах ыарыыга сутуллар кутталлаах үлэһиттэргэ уонна байыаннай сулууспалаахтарга биэрэбит. Коронавирус сыстыганнаах дьаҥын тарҕаппат туһугар ыытыллар дьаһал суолтатын бары өйдүүллэр», — диэн бэлиэтиир Росгвардия салалтатын мэдиссинэнэн хааччыйыы бөлөҕүн ыстаарсай бырааһа Алексей Константинов.

«Саха сирэ» хаһыат, edersaas.ru

0
0

Санааҕын суруй