Росавиация субсидияланар маршруттар испииһэктэрин чопчулаата

Ааптар: 
Бөлөххө киир:

Сыл аайы судаарыстыба авиахампаанньаларга эрэгийиэннэр икки ардыларынааҕы сорох көтүүлэргэ ороскуоттарын сорҕотун толуйар. Маннык маршруттары субсидияланааччыланар диэн ааттыыллар. Субсидияланар маршрукка билиэт муҥутуур сыанатын судаарыстыба быһаарар. Субсидияланар уонна көннөрү маршруттар баар хайысхаларыгар, ырыынак сыанатынан атыыланар билиэт сыаната субсидияланар маршруттааҕар икки төгүл ыарахан буолуон сөп.

 Маннык билиэттэри ким атыылаһарый:

  • 23 диэри саастаах пассажирдар;
  • 55 саастарын ааспыт дьахталлар, 60 саастарын ааспыт эр дьон;
  • инбэлииттээх оҕолор уонна кинилэри арыаллааччылар;
  • I группалаах инбэлиит улахан дьон, II уонна III группалаах оҕо эрдэхтэриттэн инбэлииттэр уонна кинилэри арыаллааччылар;
  • элбэх оҕолоох ыаллар;
  • Уһук Илин олохтоохторо;
  • Владивостокка “Океан” Бүтүн Арассыыйатааҕы оҕо киинигэр барар 17 саастарыгар диэри оҕолор чэпчэтиилээхтэр туспа категорияларыгар киирэллэр.

Маннык билиэттэри чэпчэтиинэн туһанар быраапкын көрдөрөн, авиахампаанньалар саайтарыттан, ону тэҥэ каассаларыттан атыылаһыахха сөп.

Уопсайа 399 субсидияланар хайысха арылынна, былырыын  266. Толору испииһэк Росавиация саайтыгар бэчээттэннэ.

Бэлэмнээтэ Женни Стрюкова

+1
0
+1
0
+1
0
+1
0
+1
0
+1
0
+1
0