Росатом Саха сиригэр көдьүүстээхтик салайыы ньымаларыгар төһүү буолуоҕа
Саха сиригэр эрэгийиэҥҥэ уонна тас өттүгэр көдьүүстээхтик салайыы тиһигин ньымаларын торумнааһыҥҥа ылыстылар. Бу үлэ “Көдьүүстээх эрэгийиэн” бырайыак чэрчитинэн “Росатом” ГК эспиэрдэрин көмөтүнэн ыытыллар.
“Өрөспүүбүлүкэҕэ бу сорук, мин санаабар, саамай суолталаах, тоҕо диэтэххэ, салайыыны тупсардахха сорох салааларга ситиспит түмүктэрбит тутулуктаныахтара”, — диэн премьер-миниистир Владимир Солодов бэлиэтээтэ.
Миниистирдэр кэбиниэттэрин салайааччыта Саха сиригэр Росатом өйөбүлүнэн судаарыстыбаннай тэрилтэлэри уонна оҥорон таһаарыы хаамыытын үлэлэрин көдьүүстээхтик тэрийиигэ үтүктүөххэ сөптөөх ньымалар баар буолуохтара.
«Биһиги оруолбут – госкорпорацияҕа 12 сыл устата сайыннарар ньымаларбытын туһаныыга чинчийэр-сылыктыыр көмөнү оҥоруу, итилэр социальнай эйгэҕэ эмиэ үлэлииллэр. Биһиги дойдуга эрэгийиэннэр бырабыыталыстыбаларын өйүүр соҕотох бөдөҥ хампаанньанан буолабыт”, — диэн “Росатом” ГК салаатыгар производство тиһиктэрин сайыннарыыга бырагырааматынан Бырайыактыыр офис бырайыагын дириэктэрэ Константин Грабельников бэлиэтээтэ.
СИА-ҕа биэрбит комментарийыгар “Росатом” бэрэстэбиитэлэ Саха сирэ үтүктүөххэ сөптөөх моделлары оҥорууга уонна туһаныыга атын эрэгийиэннэр бастыҥ уопуттарын туһанар кыахтааҕын, ити булумньутун олоххо киллэрэр эбэтэр бэйэтин олохтоох усулуобуйатыгар сөп түбэһиннэриэн сөп диэтэ.
Санаттахха, 2019 сылга өрөспүүбүлүкэ “Росатом” корпорацияны кытта бииргэ “Көдьүүстээх эрэгийиэн” диэн бырайыагы олоххо киллэрэр 19 эрэгийиэн иһигэр киирбитэ.
Билигин Росатом госкорпорация үлэ оҥорумтуотун үрдэтиигэ уонна ороскуоттары аччатыыга “СӨ ОДьКХ” ГУП-ка, “Водоканал” АУо-ҕа, “Дьокуускайдааҕы көтөрү иитэр фабрика” АУо-ҕа уонна “ЛОРП” ПАУо-ҕа госкорпорация производственнай тиһигин ньымаларын туһаныыга босхо көмөлөһөр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата,
Женни Стрюкова бэлэмнээтэ.